Die Menschen

Die Raibacher werden im Volksmund die "Kuckucks" genannt. So heißt der Schützenverein nach dem Vogel, auch der Rundwanderweg trägt seinen Namen und sein Symbol. Die Herkunft ist nicht wirklich geklärt, nachstehende Verse haben wir Edgar Weber zu verdanken:

 

Die Raibischer Kuckuck

Raibacher KuckuckJa - Raibisch hot kaan Sunneschoi, weil Raibisch leit im Groawe.
Dort wou die scheijne Mädchen soi, die kreische wie die Roawe.

Des Maulwerk, des kimmt nie zer Ruh, vun singe un vun peiffe.
De Kuckuck gitt soi Lied dezu, mer moant mer kennt en greife.

De Kuckuck der kimmt jedes Johr vum Middelwoald gefloche,
un woann de Kuckuck dann in Raibisch wor, do is es Friehjohr eegezoche.

Vum Binselberg, do tönt soi Lied, schun morjens frieh erunner,
un wie es dann aach wechst un blieht, des is e woares Wunner.

Un woachse un aach bliehe doun die Mädchen all minanner.
Un woann se schwarze Hoorn aach houn, s is oa schenner wie die anner.

Un wann ich dann am Owend speht dou dorsch die Olwisch schleiche,
do doun die Anne un die Greet in oam fort als noch kreische.

Un Kuckuck he un Kuckuck her, sie hoale nit ihrn Schlabbe.
Ich glaab sie kenne nix defehr, de Kuckuck is ehr Wappe.

Doch Owends is die Sach mer klor, wie mer des mache misse.
Mer brauche joa des Meilche nor in oam fort als ze kisse.

Un wie es schallt doann in de Woald, sou schallt es aa zerick.
Des Kreische des vergisst mer halt vor laurer Liewesglick.

Ja, Raibisch hot koan Sunneschoi, weil Raibisch leit denewe.
Un trotzdem bleibt es Gretche moi, for heit uns gonze Lewe.

Von Jakob Valentin anno 1957